Facial فیشیل
انسانی جلد نہایت نرم و نازک احساس کی مالک ہوتی ہے ۔ جلد کے اعتبار سے اس کی دیکھ بھال اور صفائی کا خیال رکھنا ضروری ہے۔ فیشیل چہرے کی خوبصورتی اور دلکشی کو برقرار رکھنے میں مدد دیتا ہے ۔ فیشیل کے ذریعے داغ دھبوں جھریوں او رچھائیوں کا علاج کیا جاتا ہے۔ فیشیل کے معنوں میں وہ تمام کام شمار کیے جاتے ہیں جو چہرے کی جلد کو تروتازہ رکھنے میں مدد دیتے ہیں۔
مختلف فیس ٹونز کے لیے مختلف اقسام کے فیشل ہوتے ہیں جیسے ہربل فیشل، ایکنی فیشل ، زاعفرانی فیشل اور وائیٹننگ فیشل وغیرہ۔
یہاں پر ہم فیشل کرنے کا طریقہ بیان کریں گے
اجزاء
ڈبل ایکشن کلینزر
سکرب
مساج کریم
ٹونر
سٹیم
ماسک
سکن پالش
سب سے پہلے کلینزنگ ملک کی مدد سے چہرے اور گردن کا مساج کریں۔ کیونکہ کلینزنگ کا مطلب ہی صاف کرنا ہے۔
کلینزنگ کے بعد ٹشو پیپر یا اسفنج کی مدد سے چہرے کو صاف کرلیں۔
اب ڈبل ایکشن کلینزر لیں اور دونوں ہاتھوں کی مدد سے چہرے پر ہلکا ہلکا مساج کریں اور 5 سے 7 منٹ تک کرتے رہیں اس کے بعد پانی سے صاف کرلیں۔
اب اسکن پالش لیں جو کہ بلیچنگ پاوڈر اور ڈویلپر پر مشتمل ہوتا ہے ان دونوں کو مکس کریں اور چہرے اورگردن پر لگا لیں۔لگانے کے بعد 15 سے 20 منٹ تک لگا رہنے دیں۔
دس منٹ کے بعد ایک دفعہ پھر برش کی مدد سے اس کو فیس پر لگا دیں تاکہ اچھا رزلٹ آئے۔ 20 منٹ بعد اسفنج کی مدد سے صاف کردیں۔
اب اسکرب لیں اور 4سے 5 منٹ تک چہرے پر ہلکا ہلکا مساج کریں اور پھر صاف کرلیں۔
کوئی بھی مساج کریم لیں اور اپنے ہاتھوں کی مدد سے چہرے پر مساج کریں یہ مساج ڈبل ایکشن یا ٹرپل ایکشن کریم کی مدد سے بھی کیا جاسکتا ہے۔
فیشل کے دوران جو مسام بند ہوجاتے ہیں ان کو سٹیم کی مدد سے کھولا جاتا ہے۔
ایک چھوٹے ٹب میں گرم پانی لیں اس میں چند قطرے لیموں ڈال دیں اور چہرے کو سٹیم دیں سٹیم کا دورانیہ 4سے 5 منٹ ہوتا ہے۔
اب کوئی بھی اچھا سا ماسک لیں اور چہرے پر لگائیں جب ماسک خشک ہوجائے تو چہرہ دھو لیں۔
پھر سب سے آخر میں ٹونر اپلائی کریں تاکہ آپکی سکن نرم و ملائم ہو جائے۔
فیشل کے فوائد
مساموں کو نارمل حالت میں رکھتا ہے
فیشل سے چہرے کا دوران خون درست حالت میں رہتا ہے۔
چہرے کی فالتو چربی دور ہو جاتی ہے
تھکن دور ہو جاتی ہے۔
انسان اپنے آپ کو زیادہ خوبصورت محسوس کرنے لگتا ہے۔
جلد نرم اور لچک دار ہوجاتی ہے۔
